MLKI

naisip ko lang...

nakakatuwang isipin na MINSAN minahal kita.

oo, sobrang minahal kita, walang duda dun. pero yun din ang point ko e, SOBRA. sabi nila, lahat daw ng sobra mali.

mali nga ata.

dahil nung mga panahong yun, mas minahal kita kesa sa sarili ko. mas pinili kong unahin ang mga bagay na sa tingin ko makapag papaligaya sayo. kahit na sa mga pagkakataong yun, AKALA ko lang pala na magiging masaya ka.

AKALA ko kasi kilala na kita e.

hinding hindi pala talaga kita makikilala ng lubusan kasi madami kang sikreto. kahit nga sa sarili mo pinipili mong magsinungaling. sakin pa kaya?

mali talaga ako dun. sumobra e.

dahil sobra ang pagmamahal ko sayo, nagkulang naman ako sa pagmamahal sa sarili ko. yung ang mas nakakalungkot. minsan kasi, TANGA ako pag dating sa pag ibig. TANGA at pinipiling maging tanga kasi AKALA ko noon, ganun yung dapat.

pero eto alam kong totoo.

pinili kong magpakatanga kasi alam kong yun LANG ang tanging paraan para magtagal tayo. kasi kung nakinig ako nun sa utak ko, di tayo nag tagal. kaso hindi e. masyado akong nagpakaromantiko. masyado akong nagpaka gaga.

natakot kasi ako noon na baka di ko na kayaning mag mahal ulit pag nawala ka pa. binuhos ko ang lahat sayo e.

pero ngayon, masaya ako. masaya ako dahil natutunan ko na kaya ko pala ulit mag mahal.

kaya ko na kasi BUO na ulit ako. buo na ulit ang pagkatao ko.

kaya ko na kasi natutunan kong muli kung pano mahalin ang sarili ko.

at OO, handa nakong umibig muli.